ხატში გაყვანა
ხატში გაყვანა
ქალ-ვაჟთა, წულთა ხატში გაყვანა-გარევის რიტუალი. მთიელთა წესით რიტუალი სათემო სალოცავში სრულდება, რის შემდეგაც ხატში გაყვანილნი თემის სრულუფლებიანი წევრები ხდებიან. ხევისბერი (დეკანოზი, ხუცესი) საგამყვანიოდ შეწირული საკლავის სისხლს ჯვრის ფორმით სცხებს ვაჟებს შუბლზე; ვაჟის მხარეს საკლავის გარდა ხატში მიაქვს ფულადი თანხა, ზედაშე და ქადა-პური. გოგონებზე საკლავი არ იკვლის და მხოლოდ ქადა-პურის, მცირედი თანხის და საკადრისის (მანდილი) შეწირვითკმაყოფილდებიან. გაბარების შემდეგ გაბარებულნი სალოცავის/ღვთისშვილის ყმები ხდებიან და ანგელოზისგან შეწევნას ელიან. პ.ბ.
ვიდეომასალა მოპოვებულია კავკასიოლოგიის საერთაშორისო სამეცნიერო-კვლევითი ინსტიტუტის ექსპედიციების შედეგად ფშავის იახსრისა (ხევისბერი ალ. შუშანაშვილი) და გოგოლაურთის (ხევისბერი ფილა ბაღიაური) ხატებში.
