გვერგვი
გვერგვი
- საახალწლო, სარიტუალო ვაზის ცხრა რქისაგან დაწნული ჩიჩილაკის ატრიბუტი.ზოგჯერ იგი ცალ-ცალკე იდებოდა საახალწლო ტაბლაზე. მას შიგნით ჯვარედინად თხილის ტოტები ჰქონდა ჩამაგრებული და მორთული იყო მარადმწვანე მცენარით.წვერებზე მაგრდებოდა წითელი ვაშლები ან ბროწეულები , რომლებშიც ჩარჭობილი იყო ვერცხლის თეთრი მონეტები. გვირგვინის მსგავსია ჩიჩილაკის კალპი, რომელიც ამავე პრინციპით მზადდებოდა.ორივე სიცოცლის ხის სიმბოლოა(რაჭა, ლეჩხუმი, იმერეთი, სამეგრელო).
- ხის ან წნელის რგოლი, რომელსაც გადააცვამენ ღობის ორ სარს გასამაგრებლად:
- სვანეთში გვერგვი კეთდება თხილის ტოტებისგან და ეწოდება გვირგვედი || გირგვედი;
- ხის ან წნელის რგოლი, რომელსაც გადააცვამენ ღობის ორ სარს გასამაგრებლად.
- ხატის უღელი, რომელსაც მლოცველი ატარებდა ამა თუ იმ ხატის (სალოცავის) სახელობაზე, როგორც შეთქმულობის ნიშანს. მზადდებოდა ლითონისგან (რკინა, ბრინჯაო) და წნელებისგანაც წნავდნენ (წირხ - სვან. ღვლეჭი - იმერეთი, ლეჩხუმი).
წყარო:
- ქართული ეთნოლოგიური ლექსიკონი (მთ. რედაქტორი ს. ჭანტურიშვილი), თბ. 2009, გვ.31
